اولا كل سنة وانتو طيبين جميعا وعيد سعيد على الكل
ياجماعة بجد مفيش حاجة خلتني اكتب الموضوع ده الا من القهر الي انا عايشة فيه والمصيبة الي احنا ابتلين بيها وهيا
الـــــــــــــــــغــــــــــــــــربـــــــــــــــــــــــــــــــــــــــــة
انا عارفة اننا لو عيشنا في بلدنا مستحيل نعمل حاجة وانها مش ماشية الا بالرشاوي والوسايط وهكذا
بس السؤال هنا هوا هل انت عايز تخلي ولادك يتغربو زي ما انت اتغربت؟؟؟
بجد انا كرهت الغربة وكرهت البلد الي انا فيها وكرهت نظامها الظالم
كل الناس في مصر هتمووووت وتيجي السعودية او اي بلد تاني من بلدان الخليج او بلدان العالم وهما مش عارفيين المصيبة الي احنا فيها
كلهم فاكرين ان اول ما يدخلو البلد السما هتمطر عليهم فلوس ولا الي راجعين من برة محملين معاهم شولة فلوس
وهما مش عارفيين الخيبة الي احنا فيها هنا
الي بنسمع مصر وسيرة مصر وكل المصريين بيتهزأو وبيتمسح بكرامتهم الارض وساكتين
بصراحة انا مش لاقية كلام اقولو لاني بجد قرفت وزهقت من البلد ونظامها
بنيجي هنا نتهزء من الي يسوى والي ميسواش وخلاص
بصراحة ومع احترامي لكل الاباء والاهالي ان كل انساء سواء مصري سوري فلسطيني او او او
الي اتخدعو في حاجة اسمها غربة وسفر وبعد عن البلد انهم جهلة
مهو رب هنا رب هناك والي هيرزق هنا هيرزق هناك وربنا مش بينسى عبيدو ولا ايه
لكن للاسف هنفضل في الجهل ده طول عمرنا
طيب دلوقت الناس الي جتن وجابت فلوس وعملت بدل المليون مليونين وتلاتة وعشرة مستنيين ايه تاني
عايشيين هنا ليه ايه خلاص الطمع عمى عنيكو عن بلدكو ولا الفلوس خلاص بقت هيا الهوا الي بنتنفسوا
لحد امتى هنفضل ساكتين وسايبيين كرامتنا بتتداس بالجزم من الي يسوى والي ميسواش
انا عارفة ان هيطلعلي مليونين رأي معارض لكلامي بس اقسم بالله ان دي وجهة نظري ومستحيل اغيرها او اتراجع عنها مهما حصل وبكرة هتشوفو ان عندي حق
مستنية ردودكو