معرفه الناس كنوز ولا ابعد عنهم غنيمه ؟؟

في سؤالين محيرني:
هي فعلاً معرفة الناس كنوز ؟؟
طيب .. لو الكلام دا صحيح
ليه قالوا :
البعد عن الناس غيمة ؟؟
لما قعدت فكرت لقيت ان الاتنين صح
معرفة الناس كنوز فعلاً .. بس مش أي ناس
الانسان الصادق الصالح .. الخدوم اللي يبقى سند ليك في وقت الشدة دا كنز
والانسان اللي بيفيدك بعلمه او خبرته في الدنيا دا كنز
والانسان اللي يفتح لك صدره وترمي همومك بين ايديه ويواسيك وينصحك دا كنز
أما بقى الانسان المنافق ، الغشاش .. الحسود ، الحقود واللي ما بيكتمش السر فدا مصيبة
والبعد عنه غنيمة بجد
والانسان اللي قلبه اسود اللي بيملى قلوب اللي حواليه سواد زيه
الانسان المتشائم اللي يحسسك ان مافيش امل في اي حاجة
والانسان اللي يعمل حبيبك وصاحبك لحد ما يلاقي فرصة ويطعنك في ضهرك
دا مصيبة .. والبعد عنه غنيمة فعلاً
وبيني وبينكم .. حتى معرفة الناس اللي زي دي بتفيد بردو
زي ما بيقولوا كده
" بضددها تتمايز الأشياء "
وكل غلطة بنتعلم منها اكيد
فاضل بقى سؤال أخير محيرني :
ياترى هو احنا لازم نعمق علاقتنا اوي بالناس ونلغي الحدود بيننا ولا لأ ؟؟
في حد قال لي طول ما علاقتك بالناس سطحية هتبقي انسانة سطحية
ومش هتفهمي الدنيا ..
بس انا مرتاحة كده ، مرتاحة اوي بإني عاملة حدود بين الناس
علشان كل ما كانوا ابعد كل ما كان الضرر من ضربتهم او طعنتهم اقل ..
وبحس كمان اني كل ما كنت بتكلم اقل وبتفرج على الناس وبراقبهم اكتر

كل ما اتعلمت اكتر واستفدت من الدنيا وكمان اخطائي تبقى اقل
كمان لاحظت اوي ان الاختلاط بالناس اوي .. بيخليني اعيش في حياتهم اكتر ما بعيش في حياتي
وبيخليني ما عنديش وقت اشتغل ولا افكر بروقان
بصراحة بقى وبجد
انا حاسة اني مقتنعة بان معرفة الناس كنوز ، والبعد عنهم " بمسافة كافية " غنيمة

بصي يا... ولا اقولك كلسيك احسن انا اتعلمت كلمه والدي قاليهاالي اوعى اوعى اوعى تلات مرة تقول سرك لحد استحالة مستحيل الا ده بقى من واقع خبرتي الصغيرة لو كان صاحبك ده واثق فيه هتقولي ازاي هقولك مثلا صاخبي فؤاد انا متربي معاه ودارس معاها ووكلين عيش مع بعض وبردوا هقولك لا فيه حاجة كمان اني اعرف اسراره قبل مايعرف اسراري وده بقى يبقى دبسني في صحبيته واخويته يعرف اسراري وانا اعرف اسرارة لو حصلت مشكلة انا احلف بالله اني هقف قدام العالم عشان احلهاله وده حاجة بردوا في الاسلام اما بالنسبة للامثال والكلام ده فانا قولتلك اهو
ان كنتي واثقة فيه واداكي سره يبقى صاحبك ومتخفيش منه غير كده لا والحدود لازم تكون بس بين الناس العادية مش صاحبك اللي هو سرك وانتي سره بالنسبة لو كانت بنت

صح يا عرفه
شاطر كلامك مقنع

تمام وعايزين شغل اكتر عشان التقيل داخل

شكرا على الكلام الجميل ده يا كلاسيك


نيس

عايزين بقا ابداعات زي دي يا جماعه