مسلسلات رمضان

احنا هنتكلم هنا ياشباب عن مسلسلات رمضان وكل واحد هيقول رايه فى المسلسل اللى تبعه لان اكيد مش كلنا تبعنا كل المسلسلات لان فى 44 مسلسل مصرى بس وكلهم بالخليجى والسورى 90
انا شايفه ان من افضل المسلسلات السنه دى مسلسل قانون المراغى لخالد الصاوى وغاده عبدالرازق ومسلسل افراح ابليس لجمال سليمان وعبله كامل وخاص جدا ليسرا ومحمود قبيل وفى مسلسلات بصيت عليها شويه وفى نقد لمسلسلات كتير زى مثلا مسلسل حرب الجواسيس قالو انه المفروض كان فى الستينات واللبس لبس الايام دى والاضاءه والديكورات والسيارات وبرضو نقدو مسلسل تاجر السعاده لخالد صالح انه بيقلد محمود عبدالعزيز فى الكيتكات بس دى مش حقيقه والرجل تعب جدا فى الدور وقدمه بشكل جميل المهم احنا عاوزين رايكو لان المسلسلات كتير قوى السنه دى كل واحد يقول ايه احسن مسلس وايه اسوء مسلسل ونتناقش

والله يابنت العم انا شايف ان احسن مسلسل هو مسلسل مناحي ودنح السعودي غاية في الكومديا اما المسلسلات المصرية فاحلاها كما ارى هي كريمة اللي بلحق اشوفه
والمسلسلات السورية زي احلى صبايا بموت فيه عشان...

وقشطة على التوبيك بتاعك الجميله

طيب ايه رأيكم في مسلسل الرحايا بتاع نور الشريف

هيا هتدخل ترد عليك بس على ماعتقد انه حلوا

هو حلو مش وحش بس نور الشريف مش متالق السنه دى زى كل سنه عامل مسلسلين بس مش قد كدا

ماشي يابرنسيسة

والله ابقى بكدب لو قلت اني تابعت مسلسلات من اولها هوا المسلسل الوحيد الي شفتو كلو باب الحارة
وبدات اتابع قانون المراغي من الحلقة 17 بس عجبني اوي يعني شفت كان حلقة من كام سلسل كدة وخلاص زي مثلا صبيان وبنات ومجنون ليلى وكريمة


يلا نبقى نشوفهم بقى بعد العيد

انا والله شوفت مسلسل عجبني مسلسل بيني وبينك جميل اوي
ومسلسلات صبايا
ومسلسل كريمة حلو اوي
وكذا مسلسل كان حلو السنة ديه

اه انا كنت بشوف منو كام حلقة كدة عجبتني اوي الحلقة الي فيها فتحو محل الدهب

بجد دول شيلين مخهم وحاطين طلب كبدة بالسلطة

اه ينهار ابيض على حلقة الذهب ديه هبل هبل هبل لابعد الحدود لام سألوا الراجل وكده يخرابي

بصراحه رايي ان المسلسلات كتيره اوي السنه دي بس احسن مسلسلين من وجهة نظري ابن الارندلي و الادهم ومسلسل كده بتاع مخدرات مش فاكر اسمو والله

اه فالح يلا

سوري صح نسيت اقول حرب الجواسيس هو كمان كان روعه

قشطة عليك نورت التوبيك

ايه يا جدعان الموضوع بقا بهتان خالص

رمضان عدى خلاص

غيرو

لالالا لسه انا لسه جايه يا عم هتمشو ليه
خليكو قاعدين
ايوه ايه موضوع بقى
اه
المسلسلات والله
انا حبيت جداراجل وست ستات وده حاجه مفروغ منها اصلا اني بتابعها وطبعا
مسلسل تحفه مش محتاج نقاش
وبعدين بقى اتفرجت في اخر الحلقات كده على هانم بنت باشا
وشدني جدا وبقيت اتابعو
وكانت نهايت المسلسل حلو وكمان حنان ترك مثلت فيه حلو قوي
وعبدالرحمن اخويا كان عجبو الواد حوده الاهبل ههههههه
وكان يفضل اليوم كلو يقلدو
طبعا حوده الاهبل الي في المسلسل
لكن حوده الي عندنا في المنتدى عاقل
ههههه


وكفايه بقى لاني شكلي بدات الخبط في الكلام وعرفه هيقولي يخربيت لكك
فكفايه عليكو كده

انا بقول مسلسل الرحايا هوا احللا واحد

القبطان عزوز
و بوجي وطمطم
فطوطه وتاتا مزبوطه
طبعاً الكل هيضحك بس انا مش عرفت اتابع هاجه من بنت خالتي الله لا يوريكو شلة عفاريت لبسنها

يا جدعان الناس اذواق في كل حاجه لبس بنات كل حاجه

مش هنختلف بقا على حاجه زي دي