كنت قاعدة بسمع اغنية نانسى .. ابن الجيران
وبعدين افتكرت كمية الاغانى اللى بتتكلم عن ابن الجيران
مثلاً نجاة ساكن قصادى .. وغيرها وغيرها
وافتكرت كل ماحد يبقى في حوار فى التلافزيون ولا في الراديو
المذيع ولا المذيعة يقولوا له .. اكيد بقى كنت بتحب بنت الجيران
احكى لنا بقى وكده
فاستغربت كده وحسيتها حاجة من نواميس الكون ان كل واحد يحب ابن الجيران
وقعدت شكيت في نفسى قولت هو انا مش طبيعية ولا ايه يعنى ؟؟
انا ليه ماحبيتش ابن الجيران ؟؟
طيب هنا في السعوديه انا في العماره لوحدي مافيش حد معانا حتى الجران في العماير اللي جنبنا كلهم عيال صغيرين
طيب في مصر الشارع بتعنا كلو شباب وكان فيهم ولد بيحبني لالا قصدي 2
لالا 3 تقريبا والله ما فكره بس المهم اني اول ما بطلع في البلكونه الاقي كل الشباب طلعو معايا
هههههههههههههه اه والله ما انساش ابدا لما كنت في 4 ابتدائي وكان في ولدين اصحاب كانو اكبر مني بكثير يعني شباب وانا كنت عيله لسه بس كانو ديما بيقعدو يتكلمو معايا وانا زي الهبله
وبعد ما كبرت بقى قلت ايه القله الادب ده الموضوع لازم ينتهي بقيت اطلع في البلكونه مايكلموني ما اردش عليهم بس فضل ولد ال3 بقى اللي هو اسمو سردينه هههههههه اه والله كان اسمو كده ده مشهور في الحاره بالاسم ده المهم الولد ده كان حاطتني في دماغو واول ما يشفني الاقي وشو جاب الوان كان بيتو قدمنا على طول في الدور الارضي واحنا كنا في العماره الي قدمهم في الدور التاني
المهم انو لما بنفتح الباب بتاع العماره هو بيسمع الصوت الاقيه وقفلي في الشباك علشان يشوف لبسي هههههههه ده مش هو بس يا سبحانك يارب اطلع من البيت الاقي الحاره كلها بتبص عليا المهم الولد ده فضل تقريبا 5 سنين على امل اني اكلمو وانا على طول بطنشو
ولا مره كنت مخنوقه جدا من اخواتي كانت خناقه كده وانا وقفت في البلكونه وبعيط وحاطه ايدي على وشي سردينه فضل يبص عليا كثير المهم لما جت عيني عليه بالصدفه راح قالي مالك
انا اتكسفت جدااااا وابتسمت ورحت داخله الولد خلاص بقى بيحسب اني حبيتو هههههههه
واليوم الي بعدو راح قالي صباح الخير رحت ماشيه وماردتش عليه
الولد زعل وادايق قوي المهم الاجازه الي فاتت ده على طول عرفت انهم عزلو من البيت
ولاقيت انو الحاره بقى فضيه مش عارفه كان من ايه ده
المهم فجاه وانا واقفه في البلكونه وكان بليل قوي وكنت بلعب في الجوال المهم لقيت صوت كده في الشارع فبصيت لاقيت شله شباب ماختش في بالي بس لمحت حد كده قعت ابص قوي لقيتو راح الولد ده بص عليا عارفيين ميييييييييييين
طلع سردينه بس شكلو كان متغير قوي وشكلو نضف كده ههههههه وكان ماسكلي لاب توب
انا قلت الناس ده شكلها ورثت ههههههه
المهم الولد عاملي فيها ثقيل ومطنش وهو اصلا هيموت ويبص عليا
انا ولا كان في حد كلمت لعب في الجوال وبعد شويه الا يتكلم بصوت عالي علشان اسمع يعني
قال لصحبو يلا يا عم نمشي انا اتخنقت
والمشكله انو بص عليا بعدها رحت انا اللي دخلت وانا عماله اضحك عليه المسكين ده
المهم اني دلوقتي بتسائل ليه ما حبتهوش ؟؟؟؟
بس كده احسن ده انا لو كنت حبيتو كانت الحاره كلها عرفت واكيد الموضوع هيوصل لاهلي يالهوي جه بتقى مصيبه وهبتقى سمعتي وحشه قوي
ودلوقتي خطيب اختي ساكن قريب من حارتنا لو كان سئل عننا بقى ولقى انو اختها سمعتها مش حلوه كان ايه الي هيحصل ساعتها
الرئيسية 
أحدث الصور 
دخول 
التسجيل 
الخميس سبتمبر 03, 2009 4:17 am
